Алматы облысының спортшысы джиу-джитсудан 7 дүркін әлем чемпионы атанды

Sputnik
АСТАНА, 24 тамыз - Sputnik. Алматы облысынан келген 16 жастағы спортшы Астанада өткен "Ju-Jitsu Youth World Championship Astana 2023" жарысында алтын медаль жеңіп алып, 7 дүркін әлем чемпионы атанды, деп хабарлайды Алматы облысы жастар ресурстық орталығының баспасөз қызметі.
48 келі салмақ дәрежесінде жас спортшы Өзбекстан, Ресей, Таиланд және БАӘ-нен келген қарсыластарын жеңді. Жалпы, халықаралық іс-шараға 42 елден 1000-нан астам спортшы қатысты.
"Джиу-джитсудан әлем чемпионаты біздің елімізде алғаш рет өткізіліп отыр. Мен алаңдадым, өйткені халық алдында өнер көрсету оңай болған жоқ. Қазір мен алтын жеңіп алғаныма және маған сенгендердің барлық үміттерін ақтағаныма қуаныштымын", - деп атап өтті Жібек Құлымбетова.
Жібек Алматы облысы Іле ауданының тумасы. 9 жасынан бастап спортпен шұғылданады. Қазір спорт шебері, "Намыс" төсбелгісінің иегері. Бауыржан Момышұлы және "Дара бала" медальдарының иегері. Ол сонымен қатар көптеген халықаралық жарыстардың жеңімпазы.
Спорт
Қазақстандық чемпион қыздың жекпе-жегі ауыр нокаутпен аяқталды – видео