АСТАНА, 11 тамыз – Sputnik. 10 тамызда Air Astana мен FlyArystan әуекомпанияларының бірнеше рейсі кейінге шегерілді. Бүгін де кешіктірілуі мүмкін, деп хабарлайды әуе компаниясының баспасөз қызметі.
Компания кешігу себептерін жариялады.
"Рейстердің кешіктірілуіне техникалық, метеожағдайлар, құстармен соқтығысу және Шымкентте түнгі уақытта 28 қону курсының жабылуы себеп болған", - делінген компания таратқан хабарламада.
Әуе компаниясы бүгін де рейстердің кешігуі мүмкін екенін ескертті.
"11 тамызда да рейстер кешігуі мүмкін", - делінген хабарламада.