АСТАНА, 9 тамыз – Sputnik. "Дикий Арман" лақап атымен танымал Арман Жұмагелдиевтің қамауда ұстау мерзімі 2023 жылдың 7 қыркүйегіне дейін ұзартылды, деп хабарлады Sputnik Қазақстан.
"Алматы мамандандырылған ауданаралық тергеу сотының 2023 жылғы 4 тамыздағы ақпараты бойынша, сот қаулысымен тергеу органдарының Д.-ға қатысты қамауда ұстау мерзімін 2023 жылдың 7 қыркүйегіне дейін ұзартуға санкция беру туралы өтініші қанағаттандырылды",- деп хабарлады Алматы қалалық соттың баспасөз қызметі.
Еске салайық, былтыр Қаңтар оқиғасынан кейін Алматыда полицейлер "Дикий" Арман лақап атымен танымал Арман Жұмагелдиевті ұстаған болатын.