iPhone Photography Awards (IPPAwards) байқауы 16 жылдан бері өткізіліп келеді. Жыл сайын байқауға әлемнің түкпір-түкпіріндегі әуесқойлар мен кәсіпқой фотографтардың он мыңдаған жұмысы жолданады. Басты талап – байқауға жіберілген жұмыстардың барлығы iPhone телефонына түсірілуі керек.
Бұл жолы "Жыл фотографы" атағы мен байқаудың бас жүлдесін "Батыр" деп аталатын суреті үшін мексикалық Иван Сильва жеңіп алды. Бірақ байқауға қатысушы басқа авторлардың жұмысы да ерекше. Олар жазғы ауыл таңының жайлылығын, балалық шақтағы жаздың қызығын, теңіз жағасындағы күннің батуын тамашалау сәтінің тыныштығын сипаттайды. Ұйымдастырушылардың айтуынша, әр сәттің күші мен қуанышын жеткізе алатын туындыларға басымдық берілген. Айфонға түсірілген фототуындылардың жаңа топтамасын ұсынамыз.