АЛМАТЫ, 31 шілде – Sputnik. Қостанай облысында жол апатынан бір отбасының 4 мүшесі қайтыс болды, деп хабарлайды облыстық полиция департаментінгің баспасөз қызметі.
Қайғылы жол апаты 30 шілдеде болған.
"Қостанай-Введенка" автожолында кешкі уақытта 28 жастағы "Мерседес" автокөлігі қарсы бағытта келе жатқан ВАЗ - 2110 автокөлігімен соқтығысқан. Өйткені "Мерседес" көлігінің жүргізушісі рөлге ие бола алмаған. Салдарынан ВАЗ - 2110 жүргізушісі мен үш жолаушы қайтыс болды. Оның екеуі кәмелетке толмаған балалар", - дейді ведомство.
Қазіргі күні ҚР ҚК 345-бабының 4-бөлігі "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бойынша сотқа дейінгі тергеу басталды.
"Жалпы жыл басынан бері облыс жолдарында 41 адам жол апатынан қайтыс болды. Қостанай облысының полиция департаменті тұрғындарға жол ережесін қатаң сақтауды ескертеді!" - деп Қостанай полициясы үндеу жариялады.