АСТАНА, 27 шілде – Sputnik. Астананың оңтүстік-шығыс ауданында ірі өрт болып жатыр. Алдын ала болжам бойынша автоцистерналар, бөшкелер мен коттедж отқа оранған, деп хабарлайды қалалық ТЖ департаменті.
Өрт туралы хабар 27 шілде сағат 14:11-де түсті.
Алдын ала болжам бойынша, Ер Қосай көшесінде автоцистерналар, тез тұтанатын сұйықтық бар бөшкелер және екі қабатты коттедж өртеніп жатыр.
Тілсіз жау сағат 14:45-те оқшауланды.
Оқиға орнында Астана қаласы ТЖД жеке құрамының 74 адамы және 14 техника жұмыс істеп жатыр.