АСТАНА, 22 шілде – Sputnik. Жетісу облысында екі автокөлік соқтығысып, үш адам көз жұмды.
Оқиға Үшарал-Достық автожолының 55 шақырымында болды. Kia Soul мен Toyota Camry соқтығысқан.
Алдын ала болжам бойынша, 46 жастағы әйел Kia көлігін басқара алмай, қарсы бетке шығып кеткен.
Салдарынан оқиға орнында Toyota-да отырған үш жолаушы көз жұмды. Екі көліктің жүргізушілері, сондай-ақ үш кішкентай бала түрлі дене жарақаттарымен ауруханаға жатқызылды.