АЛМАТЫ, 4 шілде – Sputnik. Атырау облысында Жайық өзенінде қайықтардың соқтығысуы кезінде зардап шеккен алты жасар бала жансақтау бөліміне түтсі, деп хабарлайды облыстық денсаулық сақтау министрлігінің баспасөз қызметі.
Ведомство мәліметінше, қайықтан зардап шеккен 7 адам дәрігер көмегіне жүгінген.
"Атырау облыстық ауруханасына үш науқас медициналық көмекке жүгінді. Оның екеуі амбулаторлық ем қабылдауға үйіне жіберілді. Лор бөлімінде бір адам ем қабылдап жатыр. Облыстық балалар ауруханасына төрт бала көмекке жүгініп, біреуі амбулаторлық емделуге жіберілді", - дейді ведомстводағылар.
Ал бір баланың жағдайы ауыр. Қазір оған қажетті барлық ем-шаралар жасалып жатыр.
"2017 жылы туған баланың жағдайы ауыр, жансақтау бөліміне түсті. 2009, 2007 жылғы (иық, бет жақ) екі бала әр түрлі дәрежеде жарақат алған", - дейді денсаулық сақтау басқармасының баспасөз қызметі.