АСТАНА, 3 шілде – Sputnik. FlyArystan әуе компаниясы КС7778 Ақтау – Ақтөбе рейсі ауа райының қолайсыздығына байланысты кешіктірілетінін хабарлады.
Рейс 3 шілде таңғы 8.05-те ұшуға тиіс болған.
"КС7778 Ақтау – Ақтөбе бағытындағы рейсі Ақтау қаласындағы қолайсыз ауа райына байланысты кешіктірілуде. Рейс уақыты Ақтау қаласының жергілікті уақытымен алдын ала 3 шілде сағат 21:10-ға ауыстырылды", - делінген хабарламада.
Тиісінше КС7777 Ақтөбе – Ақтау рейсі де кешігеді. Оның уақыты Ақтөбе уақытымен 23:10-ға шегерілді.
Рейстердің нақты ұшу уақытын FlyArystan қосымшасындағы рейс статусы бөлімінен қарауға болады.