АЛМАТЫ, 27 маусым - Sputnik. Алматы қалалық сотының апелляциялық сатысы адвокат Айман Асанованы өлтіру қылмыстық ісі бойынша алқабилер үкімнің күшін жойып, оны жаңа қарауға жіберді, деп хабарлайды Sputnik Қазақстан.
Қылмыстық оқиға былтыр қазан айында болған. Заңгер әйелді бұрынғы күйеуі Талғат Нұртаев 18 жерден пышақтап өлтірген. Биыл 17 мамырда сот ер адамға 1 жыл 6 айға қоныс колониясында жазасын өтеу туралы үкім шығарған. Сотталушының әрекеті Қылмыстық кодекстің 1-бөлігінің 99-бабы "Қасақана кісі өлтіру" бабынан Қылмыстық Кодекстің 101-бабы "Қатты психикалық толқу жағдайында кісі өлтіру" бабына ауыстырылған.
Бұл үкім айыптаушы тараптың ашуын тудырған. Марқұмның адвокаты Жохар Өтебековтың айтуынша, судья ер адамды сол әрекетке жеткізген Асанованың ауыр сөздері деп шешкен. Сотталушы оны ауыр қорлау және мазақ ету деп санаған. Адвокаттың дәлелдеріне сәйкес, ер адамды қылмысқа итермелеген Асанованың нақты әрекеттері мен сөздерін судья жеке өзі анықтаған. Сондай-ақ алқабилерге арнайы заң терминдерді қолдана отырып сұрақтар қойылған. Мысалы: заңмен рұқсат етілмеген "кенеттен пайда болған қатты психикалық толқу жағдайында кісі өлтіру" туралы сұрақ қойылған.
Сондай-ақ адвокат Өтебековтың пікірінше, тергеуші сарапшыларға кісі өлтірудің бейнежазбасын жібермеген. Ол бейнежазбада Нұртаев қылмыс орнына қайта оралып, Асанованы одан ары жаралағаны бар.
Ал қорғаушы тарап жәбірленушінің адвокатының дәлелдерімен келіспеді және соттан үкімді өз күшінде қалдыруды сұрады. Сотталушының адвокатының пікірінше, айыптаушы тарап сотқа қысым көрсетуге тырысты.
Ал прокурор айыптаушы тарап ұсынған дәлелдер істі қайта қарауға лайық деп санады.
Тараптарды тыңдағаннан кейін апелляциялық саты үкімнің күшін жою және жаңа қарауға жіберу туралы шешім қабылдады. Сот алқасының пікірінше, үкімнің күшінің жойылуына сот бұрын зерттемеген дәлелдемелер негіз болды. Салдарынан заң талаптарын бұза отырып сот тергеуін қайта бастауға әкеп соқты. Апелляциялық сатыдағы сот қылмыстық және процестік заңнама нормаларының сақталуын және осы негізде алқабилердің қатысуымен үкімнің заңдылығын, дұрыстығын және әділдігін тексеретін болады. Сондай-ақ сот апелляциялық сатыда айыптаудың дәлелденуі мен дәлелденбеуі, дәлелдемелердің дұрыстығы немесе дәйексіздігі, артықшылықтар, кейбір дәлелдемелер басқалардан бұрын, соттың қандай да бір қылмыстық заңды қолдануы және тағайындалған жаза шарасы туралы мәселені шешуге тыйым салды.
Еске сала кетейік, Алматыда былтыр 8 қазанда сағат 23.00 шамасында 1980 жылы туған адвокат Асанова көптеген дене жарақатымен ауруханаға жеткізілді. Ол 12 қазанға қараған түні қайтыс болды.
Көп ұзамай адвокатты өлтірді деген күдікпен күйеуі Талғат Нұртаевқа іздеу жарияланды. Адвокатты өлтірген күйеуіне қатысты сот үкімі қоғамдық резонанс тудырды.