АСТАНА, 18 маусым — Sputnik. Катонқарағай ұлттық табиғи паркінің аумағында өрт оқшауланды, деп хабарлайды Sputnik Қазақстан.
"18 маусым сағат 14:00-де шамамен 15 гектар алаңда "Катонқарағай ұлттық табиғи паркі" Ақсу филиалының аумағындағы өрт оқшауланды", - делінген облыстық төтенше жағдайлар департаментінің хабарламасында.
Шығыс Қазақстан облысында екі жерде орман жанып жатыр.
"Катонқарағай ұлттық табиғи паркінің Ақсу филиалының аумағында шалғай таулы аймақта құрғақ шөптер мен бұталар жанып жатыр. Өртті сөндіруге орманшылардың, облыстың төтенше жағдайлар департаменті өрт сөндірушілерінің, жергілікті атқарушы органдар мен "Қазавиаорманқорғаудың" жеке құрамының 123 адамы, әкімдіктің авиациялық бөлімшесінің үш техникасы мен екі тікұшағы жұмылдырылды.