АСТАНА, 16 маусым – Sputnik. Солтүстік Қазақстан облысында екі жеңіл көлік соқтығысып, салдарынан 5 адам оқиға орнында көз жұмды. Тағы екі адам ауруханаға жеткізілді, деп хабарлайды Polisia.kz.
Қайғылы оқиға бүгін, 16 маусымда сағат 07:55-те болды. Солтүстік Қазақстан облысы Тайынша ауданы Аймақ ауылының маңында "Көкшетау-Омбы" автожолының 53 шақырымында Lexus пен "ВАЗ-2104" соқтығысқан.
СҚО-да бес адамның өмірін қиған жол апаты
© Photo : ҚР ІІМ баспасөз қызметі
Алдын ала анықталғандай, Көкшетау қаласынан келе жатқан Lexus автокөлігі жолдың қарсы бетіне шығып кеткен.
Жол апаты салдарынан 5 адам оқиға орнында қаза тапты, олардың арасында екі көліктің жүргізушілері бар. Зардап шеккен тағы екі адам Көкшетау қаласының ауруханасына жеткізілді.
Жүргізушілерден медициналық куәландыру үшін қан алынды.
СҚО-да бес адамның өмірін қиған жол апаты
© Photo : ҚР ІІМ баспасөз қызметі
Бұл факті Қылмыстық кодекстің 345-бабы 4-бөлігі бойынша "Көлік басқаратын адамдардың жол жүрісі немесе көлік пайдалану қағидаларын бұзуы, абайсызда екі немесе одан да көп адамның өліміне әкеп соққан іс-әрекет "бойынша сотқа дейінгі тергеулердің бірыңғай тізілімінде тіркелген.
Қажетті сараптамалар жасалады.