АСТАНА, 15 маусым – Sputnik. Мәскеуде Андрей Стенин атындағы халықаралық жас фототілшілерге арналған байқаудың 2023 жылғы шорт-тізіміне енген лауреаттар анықталды. Олардың толық тізімін, сондай-ақ қысқа тізімдегі іріктелген суреттерді сайттан көруге болады.
Қалыптасқан дәстүр бойынша байқаудың халықаралық қазылар алқасы анықтаған қатысушылардың қысқа тізімі номинациялар мен жүлделерді қамтымайды: олар бас жүлде – Гран-при иегерімен бірге қыркүйек айында жарияланады.
Жыл сайын Стенин атындағы конкурстың қысқа тізіміне қатысушылардың ауқымы кеңейіп келеді. 2023 жылы да аталған байқау жаңа мемлекеттермен толықты: алғаш рет Бурунди, Бахрейн және Босния және Герцеговина туындылары қысқа тізімге енді. Жалпы шорт-тізімге 16 елден, соның ішінде Қытай, Үндістан, Ұлыбритания, Франция, Ресей, Греция, Мысыр және тағы басқа жас фототілшілердің жеке суреттері мен топтамалары біріктірілді. Халықаралық қазылар алқасы іріктеу үшін қарастырған 2023 жылғы жұмыстардың жалпы саны 50 елден 3 мың суретке жетті.
"Бұл байқауға қатысушылар үшін де, ұйымдастырушылар үшін де өте маңызды және көптен күткен шара болып отыр. Халықаралық қазылар алқасы, ұйымдастыру комитеті, бүкіл жұмыс тобы жыл сайын алаңдап, уайымдаймыз, күтеміз, жұмысты қабылдап аламыз. Біз жыл сайын бәрі жақсы болады деп үміттенеміз және жыл сайын деңгейіміз жоғарылап жатыр. Дүниежүзінің географиялық картасында біздің байқауымыз өз орнын иеленді және көптеген елдің фотографтары байқауға қатысуға ұмтылуда", - дейді Стенин атындағы байқаудың кураторы Оксана Олейник.
Armin Durgut /Армин Дургут, Босния және Герцеговина. "Bosnia Old Bridge Diving/ Босниядағы ескі көпірден секіру. Санат: Sports, single/Спорт
© Photo : Armin Durgut
"Әрине, біз келесі кезеңдерді күтеміз, көрме өткізуді жоспарлап отырмыз, әдеттегідей халықаралық роуд-шоуды іске қосуды жоспарлап отырмыз. Бірақ ең алдымен байқау жеңімпаздары мен Гран-при иегерін күтеміз. Мен барлығыңызды stenincontest.ru|stenincontest.com сайтындағы биылғы жылдың әдемі, фантастикалық қысқа тізімін көруге шақырамын", - деді байқау жетекшісі.
Қысқа тізімдегі номинанттардың жүлделі орындарды, сондай-ақ Гран-при жеңімпазын байқаудың ұйымдастыру комитеті күздің басында http://stenincontest.ru сайтында жариялайды. Байқау аясында дәстүр бойынша жыл соңына дейін әлем қалаларында жеңімпаздардың роуд-шоуын ұйымдастыру жоспарланып отыр.
Байқау туралы
ЮНЕСКО істері жөніндегі РФ комиссиясының қолдауымен "Россия сегодня" медиа тобы ұйымдастырған Андрей Стенин атындағы халықаралық фотожурналистика байқауы жас фотографтарды қолдауға және заманауи фотожурналистиканың мәселелеріне қоғам назарын аударуға бағытталған. Бұл дарынды, сезімтал және адамдар мен оқиғаларға жіті назар аударатын барлық жаңашылдыққа бейім жас фотографтарға арналған алаң.
Байқаудың халықаралық ақпараттық серіктестері: Sputnik ақпарат агенттігі және радиосы (Халықаралық), RT телеарнасы және порталы (Халықаралық), Independent Media холдингі (Оңтүстік Африка Республикасы), ANA ақпарат агенттігі (Оңтүстік Африка Республикасы), Shanghai United Media Group (SUMG) ) (Қытай), China Daily газетінің интернет-порталы (Қытай), The Paper интернет-порталы (Қытай), Al Mayadeen медиа желісі (Ливан).