АСТАНА, 14 маусым - Sputnik. Абай облысында өртті сөндіруге қатысып жатқандарды ауқаттандыруға арналған дала жағдайындағы асхананың қазаны тәулік бойы оттан түспейді.
Шатырлар Успенка ауылында тігілген.
"Қазанда ыстық тамақ пісіріп, өрт сөндірушілерге беріп жіберміз. Алты сағаттық ауысым кезекшілікке тұрады. Бір кезекшілікте 10-15 қазан тамақ дайындаймыз", - дейді Бародулиха ауданының ТҮКШ бөлімінің басшысы Елдар Қоңырбаев.
Содан кейін ас өрт ошақтарына көлікпен жеткізіледі. Оның айтуынша, күніне 1000-нан аса адамға ас әзірленеді.
Айта кетері, Абай облысында төрт учаске әлі де өртеніп жатыр: Поднебесное ауылында, Шүлбі кентінде, Жерновка ауылында және Каштак орманшылығы.