АСТАНА, 6 маусым – Sputnik. Астанадағы тұрғын үй кешенінің паркингінде көлік өртенді, деп хабарлайды төтенше жағдайлар министрлігі.
"6 маусымда сағат 11:56-да Астана қаласы ТЖД Өрт сөндіру бөлімшелері Мұхамедханов көшесіндегі тұрғын үй кешені паркингінде өрт шыққаны туралы хабарлама алған. Өрт сөндірушілер оқиға орнына 7 минуттан кейін келді, автотұрақта көлік жанып жатқаны анықталды", - делінген хабарламада.
Өрт сөндірушілер қызыл жалынды арнайы техниканың көмегімен сөндіріп жатыр. Ал жоғарғы қабаттардағы адамдар эвакуацияланды.