Жылдың үздік фуд-фотографтары анықталды – фото

Pink Lady Food Photographer of the Year 2023 халықаралық тағам суреттері байқауының жеңімпаздары белгілі болды. Байқау жыл сайын өткізіледі және оған әлемнің түкпір-түкпірінен тамақты суретке түсіретін кәсіпқой және әуесқой фотографтар қатысады.

Үздіктерді анықтау аясында әлем халықтарының тағамдарымен, сусындарымен, той-думандарымен және гастрономиялық дәстүрлерімен қалай да байланысты ең көрнекті суреттердің авторлары марапатталады. Бұл жолы үнділердің Мумбаи қаласындағы көшелерде "тәтті мақта" сатушы ер адамды суретке түсіріп алған британиялық фотограф Джон Инок жеңімпаз атанды.

Байқаудың осы және басқа да ең "дәмді" туындыларын суреттер топтамасынан тамашалаңыздар.

1 / 13

Қытайдың Шаньси провинциясындағы фермерлер жаңа піскен құрманы кептіруге дайындап жатыр. Авторы – Чжунхуа Ян.

2 / 13

Байқаудың жеңімпазы, британиялық фотограф Джон Инок Үндістанның Мумбай көшелерінде тәтті мақта сататын көше сатушыны суретке түсіріп алды.

3 / 13

Голландиялық Изабель Хаттинктің туындысында барлық сән-салтанатымен өтіп жатқан үйлену тойының дастарханы бейнеленген.

4 / 13

Махаббатпен дайындалған венециялық фрито-мисто. Италиялық фотограф Кара Кормак бұл суретті Лондон мейрамханасында түсірген.

5 / 13

Қанттан дайындалатын мұндай тәттіні Қытайдың Чжэцзян провинциясының шеберлері ғана жасай алады. Олардың тәттіні дайындау кезіндегі қимылын бимен салыстырады. Авторы - Чжунхуа Ян.

6 / 13

Амазониялық гастрономиялық ландшафт – фотограф Ким Бейнбридждің жұмысы. Пейзаж толығымен әртүрлі азық-түліктерден құрастырылған.

7 / 13

"Жоғалтқан махаббат" атты сурет. Суретте үнділік фотограф Инду Вишванатан Сингхстің атасы әйелі қайтыс болғаннан кейін де неке сақинасын шешпей, жұбайының сүйікті жемісін тазалап отыр. Бұл сурет тамақтың адамдарды қаншалықты эмоционалды түрде байланыстыратынын көрсетеді.

8 / 13

"Торт жеңіз" атты мерекелік сурет. Суретте адамдар жеп қояр алдында дастарханға қойылған үш торт бейнеленген. Автор байқаудың "Жойылатын сұлулық" номинациясы бойынша жеңімпаз атанды.

9 / 13

Зімбір, алмұрт және патока қосылған бисквитті пудинг. Жылдың үздік фуд-фотографы – Дайэнн Бибби, Оңтүстік Африка.

10 / 13

Сириялық фотограф Мунеба Тайм Идлибтегі қирандылар арасында Рамазан кезіндегі кешкі асты түсіріп алды.

11 / 13

"Үнділік дәмдеуіштер" - үнді фуд-фотографы Амит АР туындысы. Кадрда адам қолында жарылған ұнтақ іспеттес куркума мен чили бұрышының ашық түсі бейнеленген.

12 / 13

Вьетнамдық фотограф Кхань Фан Тхи түсірген "Дауыл кезінде" атты сурет. Вьетнамдықтар бұл шағын мүйісте судың деңгейі төмендеген кезде жиі балық аулайды. Су азайған кезде балықтар пайда болған шалшықтарда қалып қалады. Сурет найзағай кезінде түсірілген.

13 / 13

Бангладештік фотограф Әл-Насим Талукдар Раджиб түсірген "Аштықтың көз жасы" атты сурет.