АСТАНА, 16 мамыр – Sputnik. Ұлттық банк төрағасының орынбасары Виталий Тутушкин бірыңғай жинақтаушы зейнетақы қорының ақшасы өскенін мәлімдеді, деп хабарлайды Sputnik Қазақстан.
Бүгін үкіметте төрт айдың әлеуметтік-экономикалық даму қорытындысы мен республикалық бюджеттің орындалу шаралары қаралды. Ұлттық банктің мәліметі бойынша бірыңғай жинақтаушы зейнетақы қорының қаржысы бір триллион теңгеге артты.
"Сәуірдің соңында БЖЗҚ-ның активтері 15,7 триллион теңгені құрады. Осылайша, жыл басынан бері қор қаржысы 1 триллион теңгеге, яғни, 7,2 процентке артты", - деді банк төрағасының орынбасары Тутушкин.
Оның айтуынша, инвестициялық табыс та өсті. Жыл басынан жиналған қаржының үстінен 482 миллиарда теңге түсті. Жалпы, БЖЗҚ-ға 664 миллиард теңгенің зейнетақы аударымдары түсті. Қордан 82 миллиардов теңгеге зейнетақы төлемдері жасалды. Бұдан бөлек, мерзімінен бұрын алынған қаржының көлемі 47 миллиард теңгені құрады.