АЛМАТЫ, 15 мамыр – Sputnik. Жамбыл облысында 80 жастағы қария 5 жастағы бүлдіршіннің телефонын алдап алып кеткен, деп хабарлады облыстық полиция департаментінің баспасөз қызметі.
Қария бүлдіршінге алма беріп алдаған.
"Байзақ ауданының полиция бөліміне 5 жасар қыздың анасы шағымданып, белгісіз қарт кісі кәмелетке толмаған қызының смартфонын алып кеткенін хабарлаған. Күдікті бағасы 132 мың теңге тұратын гаджетті бүлдіршінді алдап, алмаға айырбастап алған", - дейді ведомство.
80 жастағы ер адам ұсталып, өз кінәсін толық мойындаған. Ұялы телефон тәркіленді.
ҚР ҚК 190-бабы 1-бөлігі "Алаяқтық, яғни бөтеннің мүлкін жымқыру, алдау немесе сенімді теріс пайдалану жолымен бөтен мүлiкке құқықты иемдену" бойынша сотқа дейінгі тергеу амалдары басталды.