АСТАНА, 8 мамыр – Sputnik. Маңғыстау облысы полиция департаментінің ұйымдасқан қылмысқа қарсы күрес басқармасы жаңа туған нәрестені саудалау фактісін анықтады, деп хабарлайды Polisia.kz.
"4 мамыр күні сағат 13:00 шамасында жаңа туған сәбиді сатып, ақша алған 35 жастағы күдікті ұстады. Күдіктінің тұрғылықты жерін тінту барысында заттай дәлелдемелер тәркіленді", - деп жазылған хабарламада.
Сондай-ақ полиция қызметкерлері сәбиді алған 38 жастағы күдіктіні ұстады. Бала сот шешімі шыққанға дейін Ақтау қаласының облыстық мамандандырылған балалар үйіне орналастырылды.
Полицияда хабарлағандай, осы дерек бойынша ҚК-нің 135-бабы 2-бөлігі бойынша сотқа дейінгі тергеу басталды. Күдіктілерден мойындау жауаптары алынды.
Сотқа дейінгі тергеу жалғасып жатыр және тергеу мүддесі үшін өзге ақпарат жария етілмейді.