АСТАНА, 6 мамыр – Sputnik. Сыртқы істер министрі Мұрат Нұртілеу Үндістанның сыртқы істер министрі Субраманьям Джайшанкармен келіссөз жүргізді.
Кездесу Шанхай ынтымақтастық ұйымына мүше мемлекеттердің сыртқы істер министрлерінің кеңесі отырысының аясында өтті.
Тараптар саяси, сауда-экономикалық және мәдени-гуманитарлық салалардағы Қазақстан-Үндістан ынтымақтастығын дамытудың қазіргі жағдайы мен перспективаларын талқылады, деп хабарлады СІМ баспасөз қызметі.
Былтыр екі жақты сауда айналымы 2,5 миллиард АҚШ долларына жеткен.
Нұртілеу сауда-экономикалық қатынастарды кеңейту мен әртараптандыру, сондай-ақ өзара қызығушылық тудыратын бірлескен жобаларды іске асырудың маңыздылығын ерекше атап өтті.
Кездесудің нәтижесі бойынша тараптар Қазақстан мен Үндістан арасындағы ынтымақтастықты іс жүзінде кеңейтү үшін тығыз байланыстарды қолдап тұруға келісті.