АСТАНА, 19 сәуір – Sputnik. Астанада жұмыс істеп жатқан мұнара кранының секциясы құлады, деп хабарлады Төтенше жағдайлар министрлігінің өнеркәсіп қауіпсіздігі комитеті.
"Inshaat Invest ЖШС құрылыс алаңында жүкті көтеру кезінде QTZ-63 мұнара кранының секциясы опырылып құлады. Зардап шеккендер жоқ", - деп хабарлады ведомство.
Оқиға орнында өнеркәсіптік қауіпсіздік комитетінің қалалық департаментінің қызметкерлері жұмыс істеп жатыр.
Жергілікті атқарушы органдар өкілдері мен басқа да мүдделі тұлғалардан апатты тексеру жөніндегі комиссия құрылады.