АСТАНА, 15 сәуір – Sputnik. Қарағанды-Саран тас жолында апат болып, бір адам көз жұмды.
Қайғылы жағдай 15 сәуір сағат 17:30 шамасында Ақтас кентінен 2 шақырым жерде болған. ВАЗ-2115 және Hyundai Elantra автокөліктері соқтығысып қалды.
Салдарынан ВАЗ-2115 автокөлігінің жолаушысы алған дене жарақаттарынан сол жерде көз жұмды.
Аталған дерек полицияда тіркелді. Тиісті сараптамалар жүргізіледі. Оқиғаның мән-жайы анықталып жатыр.