Талдықорған, 27 наурыз - Sputnik. Алматы – Өскемен бағытында Toyota Camry мен Kia Rio соқтығысып, салдарынан үш адам қаза тауып, тағы екі адам ауруханаға түсті, деп хабарлады облыстық полиция департаментінің баспасөз қызметі.
Оқиға 27 наурызда Ақсу ауданында болды. Кореялық шетелдік көлікті 40 жастағы әйел, ал Toyota көлігін 39 жастағы ер адам басқарған.
"Автокөліктер Алматы - Өскемен автожолының 406 шақырымында соқтығысып, жүргізушілердің бірі рульді басқара алмай, қарсы бағытқа шығып кеткен. Кімнің кінәлі екені тергеу барысында анықталатын болады. Қазір оқиға орнында патрульдік полицейлер жұмыс жасап жатыр", - деп хабарлады облыстық полиция.