АСТАНА, 27 наурыз – Sputnik. Қалың тұманға байланысты "Екатеринбург-Алматы" күре жолының екі бөлігінде жол қозғалысы уақытша шектелді, деп хабарлады "ҚазАвтожол".
Ақмола облысында ауа райының нашарлауына байланысты (тұман, жолдың нашар көрінуі) "Екатеринбург-Алматы" тасжолының Астана қаласынан Анар бекетіне дейінгі аралығында автокөліктің барлық түрі үшін жол қозғалысы уақытша шектелді.
Қарағанды облысында ауа райының нашарлауына байланысты (тұман, жолдың нашар көрінуі) "Екатеринбург-Алматы" күрежолының Анар бекетінен Теміртау қаласы ақы төлеу пункті аралығы жабық.