АСТАНА, 19 наурыз – Sputnik. Алматыда соқтығысу салдарынан бір көлік көпірде ілініп қалып, екіншісі одан ұшып түсті.
Екі көлік те Рысқұлов даңғылымен батысқа қарай бет алған, деп хабарлайды Polisia.kz.
"Volkswagen көлігінің жүргізушісі қозғалыс кезінде Toyota көлігімен соқтығысты. Toyota көпір тірегіне соғылып, төмен қарай құлап, аударылып қалды", - деп хабарлады полиция.
Toyota көлігінің жүргізушісі мен бес жолаушысы медициналық тексеруден өту үшін Алматыдағы ауруханаға жеткізілді.
Оқиғаның басқа да себептері мен мән-жайын анықтау мақсатында тергеу амалдары жүргізіліп жатыр.