АСТАНА, 8 наурыз – Sputnik. Шығыс Қазақстан облысында қар көшкіні жүріп, жолдың бір жағын жауып тастады, деп хабарлайды Sputnik Қазақстан.
Ресми мәліметке сәйкес, бүгін сағат 13.00 шамасында республикалық маңыз бар "Өскемен-Алтай-Үлкен Нарын-Катонқарағай-Рахман қайнары" тас жолының 62 шақырымында қар көшкіні өздігінен түсті. Ұзындығы - 4 м, ені-3 м, ал биіктігі 1 метр болды.
"Зардап шеккендер жоқ. Республикалық күре жол ашық. Учаскеде қозғалыс бір жолақ бойымен ұйымдастырылды", - делінген ресми хабарламада.
Қазіргі кезде арнайы техника жолды тазартуға кірісті.