АЛМАТЫ, 3 наурыз - Sputnik. Орал қаласының кішкентай тұрғыны Яна Бинцеваның денесін түк басып келеді. Бір рет ота жасалып, беті бері қараған қызға екінші ота қажет, деп хабарлайды "Мой город" порталы.
Бір жасар Яна Бинцевада туа біткен неопластикалық невус бар — бұл көбінесе терінің туа біткен ақауы, қатерсіз ісік.
Янаны ата-анасы Санкт-Петербург клиникасында ота жасатқан. Ем сәтті жүргізілген. Нәтижесінде денесіндегі түк азайып, арқасы тазарған.
"Қазір бәрі жақсы, тігістер жазылды, мезгіл-мезгіл кремдер жағамыз. Кейбір жерлерде тыртықтар қалмады. Қызым өзін жақсы сезінеді", - деді Янаның анасы Дарья Бинцева.
Енді Янаға екінші рет ота жасалу керек. Бірақ оған отбасының мүмкіндігі жоқ. Бұл жолы оның мойнындағы түктерді алып тастау керек. Операцияның құны 5,5 миллион теңге, оның 3,6 миллионын баланың ата-аналары жинаған. Алайда тағы 1,8 миллион теңге жетпей тұр.
"Қазір Яна кішкентай және ешнәрсені түсінбейді. Мен оның болашағына алаңдаймын. Оның денесіндегі шашты көрген адам үрке қарайды. Қоғамнан ерекшеленіп қалады. Қызымның алаңсыз бақытты өмір сүргенін армандаймын", - дейді Янаның анасы Дарья Бинцева.