АСТАНА, 26 ақпан - Sputnik. Жетісу облысында көлік аударылып, бір адам қаза болды.
Оқиға 26 ақпанда Панфилов ауданында болды, деп хабарлайды Polisia.kz .
"Ауди-100" көлігінің 67 жастағы жүргізушісі "Батыс Қытай-Батыс Еуропа" тасжолының 275-ші шақырымында рөлге ие бола алмаған.
Көлікте төрт жолаушы болған. 1962 жылы туған ер адам көз жұмды. Екі жолаушы ауыр жарақатпен ауруханаға жеткізілді.
Оқиға орнында Панфилов аудандық полициясының жедел тергеу тобы жұмыс жүргізіп жатыр.