АСТАНА, 25 ақпан – Sputnik. Қазақстанның сыртқы істер министрлігі Қытайдың Украина дағдарысына қатысты ұстанымы бойынша мәлімдеме жасады.
Қазақстан украиндік дағдарысты саяси реттеу бойынша Қытайдың ұстанымын құптайтынын жеткізді және Біріккен Ұлттар Ұйымының қағидаттары негізінде мемлекеттің аумақтық тұтастығы, тәуелсіздігі және егемендігі негізінде қантөгісті тоқтатуға көмектесу ретінде қолдауға лайық екенін атап өтті.
"Біз бұл мәселені тек халықаралық құқық пен БҰҰ қағидаттары негізінде бейбіт жолмен шешуге балама жоқ деп санаймыз. Біз әскери қақтығысқа қатысушы тараптардың ізгі ниет танытуын, ұрыс-қақтығысты тоқтатып, келіссөз үстеліне отыруын, ал әлемдік қоғамдастықтың жағдайды барынша дипломатиялық жолмен шешуге үлес қосуын жақтаймыз", - деп мәлімдеді Қазақстан СІМ.
Сонымен қатар, Қазақстан Қытайдың Жаһандық қауіпсіздік бастамасының тұжырымдамасында айқындалған, бүгінгі таңдағы өзекті мәселелерді шешуде біздің мемлекеттеріміздің ұқсастығын атап өтеді.