АСТАНА, 22 ақпан – Sputnik. Ресейдің Қазақстандағы елшілігінде РФ Отан қорғаушылар күніне арналған салтанатты қабылдау өтті.
Оған Қазақстан билік органдарының өкілдері, дін, ғылым, мәдениет және өнер қайраткерлері, жергілікті дипломатиялық корпус өкілдері мен шет мемлекеттердің әскери атташелері, іскер топтар қатысты.
"Қазақстанда қызмет ететін Ресей Қарулы күштерінің барлық өкілін мерекемен құттықтап, Ресей-Қазақстан әскери бауырластығы үшін тост көтеріп, мол табыс, зор денсаулық және бақ-береке тілеймін!", - деді Ресейдің Қазақстандағы төтенше және өкілетті елшісі Алексей Бородавкин қабылдау барысында.