АСТАНА, 21 ақпан – Sputnik. Ресей президенті Владимир Путин қорғаныс өнеркәсібі кешені қызметкерлері үшін нарықтағыдан төмен баға бойынша жеңілдікпен жалға берілетін тұрғын үй бағдарламасын іске қосуға тапсырма берді, деп хабарлайды РИА Новости.
Ол қаза тапқан жауынгерлердің отбасыларына және арнайы операция ардагерлеріне атаулы көмек көрсету үшін арнайы қор құрылатынын хабарлады.
"Жауынгерлер мен ардагерлердің отбасыларына көмек көрсету үшін арнайы қор құру басқа мемлекеттік органдарды жауапкершіліктен босатпайды", - деді Путин Федералдық жиында сөйлеген сөзінде.
Ресей президенті сарбаздарға олардың отбасыларымен бірге болуға уақыт пен мүмкіндік болуы үшін жол жүру уақытын есептемегенде әр жарты жыл сайын кемінде 14 күн демалыс беруді ұсынды.
Оның айтуынша, Ресейде ядролық қауіптітежеу күштерін соңғы үлгідегі қару-жарақпен қамтамасыз ету деңгейі 91,3 пайызды құрайды.
"Біз Қарулы күштердің барлық саласында осы деңгейге жетуіміз керек", - деді Путин.
Ол армия мен флотты одан әрі дамыту мен нығайтудың негізі шынайы жауынгерлік тәжірибеге негізделуі керектігін айтты.