АСТАНА, 21 ақпан – Sputnik. Батыс елдері Украинаға әскери көмек көрсетуге 150 миллиард доллар жұмсады, ақша ағыны азаймай отыр, деп мәлімдеді Ресей президенті Владимир Путин Федералдық жиналысқа жолдауында.
"Қазірдің өзінде Киев режиміне көмектесуге және қаруландыруға 150 миллиард доллардан астам қаржы жұмсады", - деді Путин.
Ол Экономикалық ынтымақтастық және даму қауымдастығының мәліметі бойынша G7 елдері 2020-2021 жылдары әлемнің ең кедей мемлекеттеріне көмектесу үшін шамамен 60 миллиард доллар бөлгенін атап өтті.
"Түсініктішығар, иә? Соғысқа 150 (миллиард доллар – ред.), ал кедей елдерге 60 (миллиард доллар – ред.). Сонда кедейшілікпен күрес туралы әңгіме қайда қалды? Тұрақты даму туралы, қоршаған орта туралы әңгіме не болды? Бәрі қайда кетті? Бәрі қайда? Онымен қоймай, соғысқа бөлінетін ақша азайып жатқан жоқ", - деді Ресей басшысы.
Оның айтуынша, Батыс сондай-ақ "басқа елдердегі бүліктерді, төңкерістерді ынталандыруға қаржыны аямайды".