АСТАНА, 13 ақпан – Sputnik. Петропавлдағы №4 орта мектепте оқушыларды зейнеткер күзетеді. Ол тәртіпті бейнекамералар арқылы қадағалайды.
Петропавл қаласының №4 орта мектебіндегі күзет пункті
© Sputnik
Қазір мектеп дәліздері бос, балалар эвакуацияланды. Тергеу тобы жұмыс істеп жатыр, сабақ тоқтатылды.
Мектептің дәліздері бос, балалар эвакуацияланды
© Sputnik
Басқа балаларды өлтірмек болған жасөспірім баспалдақпен (төмендегі суретте) жоғары көтерілген.
Петропавлдың №4 орта мектебіндегі баспалдақ
© Sputnik
Еске сала кетейік, бүгін таңертең 9-сынып оқушысы сабаққа келіп, үш баланы жарақаттаған болатын.
Петропавл қаласындағы №4 мектептің вестибюлі
© Sputnik
Басы мен білегінен жарақат алған олардың екеуі балалар ауруханасына жеткізілді. Үшінші балаға сол жерде медициналық көмек көрсетілді.
Петропавл қаласындағы №4 мектепке кіреберіс
© Sputnik / Елена Бережная
Солтүстік Қазақстан облысы прокуратурасының мәліметінше, мектеп оқушыларына балтамен және пышақпен тап берген кәмелетке толмаған бозбаланы полиция қызметкерлері ұстады. Алдын ала мәлімет бойынша ол психиатриялық есепте тұрады.