ТҮРКІСТАН, 10 ақпан – Sputnik. Түркістанда Орталық Азия елдерінің I парламентаралық форумы басталды, оған бес елдің депутаттары қатысып жатыр.
Қырғызстан Жогорку Кенешінің өкілі форумда қандай мәселелер талқыланатынын айтты.
Марлен Маматалиев
© Sputnik/Ертай Сарбасов
"Құрылыс саласындағы өзара қарым-қатынасымызға қатысты мәселені көтергіміз келеді. Бізде су ресурстары бар екенін білесіздер, сондықтан Орталық Азия елдерінің шағын және ірі су электр станцияларын салу бойынша бірлескен жобаларға қатысқанын қалаймыз. Электр энергиясы барлық дамудың негізі болған кезде әлем осы үрдіске көшеді деп ойлаймыз", - деді Жогорку Кенештегі "Ынтымақ" парламенттік фракциясының жетекшісі Марлен Маматалиев.
Әңгіме Қырғызстан аумағында, бірақ басқа елдердің аумағы арқылы өтетін өзенде су электр станциясын салу туралы болып отыр.
"Сонымен қатар Қазақстанмен Алматы – Шолпан ата жолын салу мәселесін қарастырамыз, бұл мәдениет саласындағы міндеттерімізді де айқындауға мүмкіндік береді", - деді Марлен Маматалиев.
"Сондай-ақ Қазақстаннан шекарадағы проблемаларды сұраймыз. Біздің елдеріміз арасында ешқандай кедергі болмауы керек деп есептейміз, әсіресе бүгінде шекарамызда болып жатқан сауда саласындағы кедергілерді жою керек. Бүгінгі бірінші парламентаралық форумда осы мәселелерді көтереміз", - деді ол.