АСТАНА, 3 ақпан – Sputnik. Беларусь премьер-министрі Роман Головченко Еуразиялық экономикалық одақ елдері цифрландыруды дамыту, оның ішінде одаққа мүше мемлекеттердің деректерін жолдаудың арнайы жабдықталған қауіпсіз желісін құру және бірлестіктің барлық елінің азаматтарына қашықтан мемлекеттік қызметтер көрсету мәселелері бойынша бірлесіп жұмыс істеуге көбірек күш салуы қажет деп санайды.
Головченко бұл ұсынысын Digital Almaty 2023 халықаралық цифрлық форумы аясында ЕАЭО елдері үкімет басшыларының қатысуымен өткен пленарлық отырыста сөйлеген сөзінде мәлімдеді.
"ЕАЭО интеграцияланған ақпарат жүйесінің жалпы процестерін дайындау және одаққа мүше мемлекеттердің арнайы жабдықталған қорғалған желісін құру бойынша барлық жоспарланған жұмысты аяқтау бүгінгі күннің кезек күттірмейтін міндеті болып отыр",- деді Головченко.
Беларусь премьер-министрі ЕАЭО-дағы әріптестерін осы жылдың маусым айында Еуразиялық экономикалық форумда аталған жұмыстың нәтижелерін талқылауға шақырды.