Жабайы орман арасында қалған көне қала – фото

Майяның Эдь-Мирадор атты көне қаласы 1926 жылы табылды. Джунгли үстімен ұшқан кезде ұшқыштар орманның тап ортасында орналасқан ерекше төбелерді байқаған. Кейін анықталғандай, бұл майя мәдениетінің бұрынғы қалаларының пирамидалары екен.

Эль-Мирадор қаласының қазба жұмыстары 1960-1970 жылдары басталды. Бұл аймаққа жету қиын болғандықтан, ол ұзақ уақыт зерттелмей қалды.

Эль-Мирадор – бұл Мексика мен Гватемала шекарасындағы жабайы джунглиде орналасқан ежелгі Майя өркениетінің ірі қонысы. Дәл осы Эль-Мирадорда басқа пирамида-қалалардан шығатын ежелгі майя жолдары түйіседі. Ғалымдардың айтуынша, Эль-Мирадор өңірдегі басты қала болған. Осы орындардың қазіргі бейнесін суреттер топтамасынан көріңіздер!

1 / 10

Эль-Мирадордың басты көрікті жерлері –Эль-Тигре және ғибадатханасы бар Ла Данта атты екі алып пирамида.

2 / 10

Пирамидалардың басына көтерілу және джунглиде серуендеу үшін үлкен күш және төзімділікпен қатар ыңғайлы аяқ киім қажет.

3 / 10

"Ягуар табаны" ғибадатханасын күнге табынатындар құдайына арнап салған. Нысан өздері табынатын құдайдың аспандағы қозғалысын білдіретін көптеген бетпердемен безендірілген.

4 / 10

Ежелгі қала орнынан өте көп зат табылған. Олардың ішінде суреттері мен жазулары бар стела қалдықтарын ерекше олжа ретінде атауға болады.

5 / 10

Эль-Мирадор – классикалық кезеңге дейінгі майя мәдениетінің ең үлкен және маңызды метрополиясы.

6 / 10

Бұл ежелгі мекен бір кездері майя өркениетінің гүлденген астанасы болған.

7 / 10

Мұнда бірінші қоныс біздің дәуірімізге дейінгі 600 жылы пайда болды, ал біздің дәуірімізге дейінгі 300 жылға қарай негізгі сәулет қалыптасты деген дерек бар. Оның орталығы акрополь болды.

8 / 10

Эль-Мирадор аймақтағы орталық және ең үлкен қала болды, оның гүлденуі ІІ ғасырға дейін жалғасты.

9 / 10

Бұл аймаққа жету қиын болғандықтан, ол ұзақ уақыт зерттелмей қалды.

10 / 10

Бұл майя қонысы Гватемаланың Мексикамен шекарасындағы джунглиде орналасқан.