АСТАНА, 30 қаңтар - Sputnik. 2018 жылы туған бала фитнес-клубтағы балалар бассейніне батып кетті, деп хабарлады Шымкент қаласының төтенше жағдайлар департаменті.
"Жедел медициналық жәрдем қызметінен 29 қаңтар сағат 17.25-те Шымкент қаласы төтенше жағдайлар департаментіне 2018 жылы туған бала бассейнге батып кеткені туралы хабарлама келіп түсті. Қайғылы жағдай "Қасиет" фитнес-клубында болды", - делінген хабарламада.
Бассейннің тереңдігі 1,2 метр, суға шомылу кезінде бала қараусыз қалған.
Оқиғаның мән-жайы анықталып, сот-медициналық сараптама жүргізіледі, деп жазады Otyrar.kz.