АСТАНА, 24 қаңтар – Sputnik. Мемлекет басшысы Қасым-Жомарт Тоқаев сенаттың жаңа депутаттарын тағайындады.
Президент жарлығымен парламент сенатының депутаттары болып:
Жақып Қажманұлы Асанов;
Мәулен Сағатханұлы Әшімбаев;
Нұртөре Байтілесұлы Жүсіп;
Ләззат Молдабекқызы Қалтаева;
Асқар Оразалыұлы Шәкіров тағайындалды.
Сондай-ақ Қазақстан халқы Ассамблеясынан:
Евгений Андреевич Больгерт;
Закиржан Пирмухамедович Кузиев;
Нурия Исмагиловна Ниязова;
Алишер Гапиржанович Сатвалдиев;
Геннадий Геннадиевич Шиповских сенат депутаты болды.
Айта кетері, Жақып Асанов – Жоғарғы соттың бұрынғы төрағасы. Желтоқсан айының басында президент оны қызметінен босатып, орнына Асламбек Мерғалиевті тағайындаған болатын.
Бұған дейін Тоқаев бірнеше сенатордың өкілеттігін тоқтатқаны хабарланды.