Бүгін республика бойынша шетелдік көліктерді заңдастырудың бір реттік шарасы басталды.
Шетелдік көліктерді заңдастыру бойынша байланыс орталықтары іске қосылды
© Sputnik
Негізгі талаптар: көліктің Қазақстанға 2022 жылдың 1 қыркүйегіне дейін әкелінуі қажет;
криминалдық есепте болмауы керек;
басқа мемлекетте бұрынғы тіркелген жері бойынша есептен шығарылуы тиіс;
Ал Еуразиялық экономикалық одаққа кірмейтін елдерден әкелінген автокөлік болса, кедендік тазартудан өтуі керек.
Өтінім беру 2023 жылдың 1 шілдесіне дейін жалғасады.
Өтінім беру жолдары:
е-gov.kz электронды үкімет порталы;
екінші деңгейлі банктердің қосымшалары;
ХҚКО-ның өз-өзіне қызмет көрсету секторы.
Құжат қарастырудың нәтижесі арнайы базаға тіркеледі және көлік иесінің телефонына 1414 нөмірінен SMS-хабарлама жіберіледі. Онда қабылданған шешім нақты жазылады.
Заңдастыруға рұқсат етілсе, мемлекеттік алымдар төлеу қажет. Атап айтқанда, алғашқы тіркеу – 200 000 теңге, техпаспорт үшін мемлекеттік БАЖ – 4 313 теңге; мемлекеттік нөмір – 9 660 теңге.
Одан кейін көлік иесі шетелдік техпаспорт, меншік құқығын растайтын құжатты ХҚКО мамандарына тапсырады. Тіркеу бекітілгеннен кейін автокөлік иесіне ҚР тіркеу құжаты, мемлекеттік нөмір беріледі.