АСТАНА, 23 қаңтар – Sputnik. Екібастұзда желілерді жөндеуге байланысты 84 жеке тұрғын үй мен үш әкімшілік нысан уақытша жылусыз қалады, деп хабарлады Екібастұз қаласының әкімдігі.
Осылайша, ақауы бар учаскелердегі жабдықтарды ауыстыру Астана көшесі, 34, Б.Жырау-Қазақстан, Шахтостроители, 3, Рабочая көшесі, 1 бағыттарында жүргізіледі. Мұнда 84 жеке тұрғын үй және үш заңды тұлға нысанында жылу беру барлығы бірнеше сағатқа өшіріледі.
Жұмысқа барлығы 11 дәнекерлеуші, 16 темір ұста және 7 инженерлік-техникалық жұмысшы, сондай-ақ 5 арнайы техника жұмылдырылады.
Жөндеу жұмыстары аяқталғаннан кейін барлық ғимаратта жылумен қамту қалпына келтіріледі.