АСТАНА, 14 қаңтар — Sputnik. Орталық сайлау комиссиясы Қазақстан парламенті сенатының депутаттарын сайлауда дауыс берудің алдын ала нәтижесін жариялады.
Барлық облыста, сондай-ақ Астана, Алматы және Шымкент қалаларында 20 депутат сайланды.
Сенаторларды жанама сайлау құқығы негізінде мәслихат депутаттары жасырын дауыс беру арқылы таңдады.
Сайлау барлық өңірде Астана уақыты бойынша сағат 11.00-де басталды.
Парламент сенатындағы 20 орынға 55 кандидат үміткер болды.
Республика бойынша таңдаушылар тізіміне 3167 мәслихат депутаты енгізілген.