ПАВЛОДАР, 5 қаңтар – Sputnik. Павлодар облысының Ертіс ауданында құтқарушылар үш балықшыны қар құрсауынан алып шықты, деп хабарлады облыстық төтенше жағдайлар департаментінің баспасөз қызметі.
Кеше сағат 18.50-де Ертіс ауданының төтенше жағдайлар бөліміне ауа райының қолайсыздығынан Қарақұдық ауылдық округінің аумағында үш балықшының қар құрсауында қалғаны туралы хабарлама түсті. Құтқарушылар жергілікті атқарушы органдардың қызметкерлерімен бірге дереу оқиға орнына аттанды.
Павлодар облысындағы тасжолда үш балықшы құтқарылды
© Photo : Пресс-служба ДЧС Павлодарской области
Сағат 20.50-де жолы болмаған балықшылар қар құрсауынан шығарылды. Олар құтқарушыларға жедел әрекет еткені үшін алғысын білдірді.