АЛМАТЫ, 18 желтоқсан - Sputnik. Маңғыстау облысында Ақшұқырдан Ақтауға барар жолда Daewoo Nexia жеңіл автокөлігі мен жүк көлігі соқтығысып, бірнеше адам зардап шекті, деп хабарлайды Inaktau.kz.
Салдарынан көлік ішінде жолаушы жаншылып қалды.
"Әйел қысылып қалған. Біз оны өз көлігімнің көмегімен шығаруға тырыстық. Абырой болғанда аман алып шықтық. Жеңіл көлікте әйелдер мен ер адамдар отырған", - деп атап өтті Ақтау блогері Азамат Сәрсенбаев.
Апаттың куәгері болған блогер апатқа ұшырағандарға көмектескен. Жеңіл автокөлік пен жүк көлігі бетпе-бет соғылған.
Зардап шеккендердің нақты саны және олардың жағдайы туралы әлі толық ақпарат жоқ.