АЛМАТЫ, 15 желтоқсан — Sputnik. Сенат сайлауына кандидатура ұсыну аяқталды, 130 адам үміткер бар. Бұл туралы Орталық сайлау комиссиясының отырысында төрағаның міндетін атқарушы Константин Петров хабарлады.
"Орталық сайлау комиссиясы төрағасының міндетін атқарушы Константин Петров биыл 29 қараша мен 14 желтоқсан аралығында республика бойынша жоғарғы палатаның 20 орнына 30 кандидат ұсынылды. 2020 жылы сенаттың кезекті сайлауына 94 кандидат, 2017 жылы - 89 кандидат, 2014 жылы – 88 кандидат ұсынылған. Осылайша, үміткерлер санының өсуі байқалады. Сенатордың бір мандатына орта есеппен 6-дан астам үміткер", - делінген орталық сайлау комиссиясының хабарламасында.
Өңірлердің ішінде ең көп кандидаттар Абай, Батыс Қазақстан, Қызылорда облысында - 8 адамнан, Алматы мен Астанада – 10 адамнан ұсынылды. Ең азы – 5 үміткер. Ақмола, Ақтөбе, Алматы, Шығыс Қазақстан, Жамбыл, Қостанай, Павлодар, Солтүстік Қазақстан облыстарында және Шымкентте - алтау.
Кандидаттардың ішінде 97,7% (127) өзін-өзі ұсынушылар, ал 2,3% (3) мәслихаттар ұсынған. Үміткерлердің орташа жасы - 50. Ең жас үміткер - 30-да, үміткерлер арасында ең жасы үлкені – 74 жаста.
Ұсынылған кандидаттардың ішінде 33 әйел бар. Кандидатура ұсыну рәсімі 29 қарашада басталып, дауыс беруден бір ай бұрын, яғни 14 желтоқсан сағат 18.00-де аяқталды.
Сенат сайлауы 2023 жылдың 14 қаңтарында өтеді.