АСТАНА, 8 желтоқсан — Sputnik. Президент Жоғарғы соттың төрағасы лауазымына Асламбек Мерғалиевтің кандидатурасын ұсынды, деп хабарлайды Sputnik Қазақстан тілшісі.
Сенат депутаттары Мерғалиевтің кандидатурасын бірауыздан қолдап, тиісті қаулыны қабылдады. Ал жаңадан сайланған бас судья адал қызмет атқаруға ант берді.
Асламбек Мерғалиев
© Photo : Пресс-служба Актюбинского суда
Мерғалиев 1972 жылы Павлодар облысында дүниеге келген, Қазақстанның сот жүйесінде 20 жылдан астам қызмет етіп келеді.
Павлодар қалалық соты, Екібастұз соты, Солтүстік Қазақстан облыстық соты және Қостанай облыстық сотының төрағасы қызметтерін атқарған. 2020 жылдың желтоқсанынан бүгінге дейін – Ақтөбе облыстық сотының төрағасы.