АСТАНА, 6 желтоқсан – Sputnik. Америкалықтар 2020 жылғы президент сайлауына Ресей араласқан секілді көрсетіп, Трампқа қатысты мәтінді дайындау туралы "тапсырманы" Ресейде құрылған электронды пошта арқылы таратқан, деп жазды РИА Новости.
Тергеу материалына сәйкес, колумбиялық Хиральдо Сарай Альберто Энрикенің бот-фермасынан Трамптың сайлауалды науқаны туралы контентті таратуға қатысты нұсқаулықтар жолданған. Сондай-ақ интернетте АҚШ қауіпсіздігіне нұқсан келтіретін іс-шараларды ұйымдастыру бойынша ресейлік және шетелдік азаматтар арасындағы хат алмасу да қолдан дайындалған.
Сонымен қатар 2020 жылдың шілдесінде Альберто телефондарының бірін қашықтан басқару кезінде ол құрылғыдан тағы екі электронды пошта тіркелді. Анықталғандай, олардан IT-технологиялар саласында жұмыс істейтін және АҚШ-тың сыртқы және ішкі саясатына қатысты ақпараттық контент құруға кандидаттарды тарту туралы хабарламалар жолданған.
Іс материалдарына сәйкес, Ресейдің 2020 жылдың қыркүйегіндегі АҚШ-тағы сайлауға араласуын қолдан дайындаған америкалықтар Ресейде құрылған электронды пошта арқылы ынтымақтастық орнатуды көздеген арнайы қызмет өкілінен жалған хат жолдаған. Ал шындығында мұндай қызметкер болмаған, деп жазды басылым.
Ол "ойдан шығарылған" арнайы қызмет саласының өкіліне 1 миллион рубль бар биткоин криптовалютасына сілтеме берілген.
Алайда 2020 жылдың тамызында АҚШ Мемлекеттік департаменті әлеуметтік желіде америкалық сайлау процесіне араласуды көздеген немесе жоспарлап отырған азаматтар туралы ақпарат үшін 10 миллион сыйақыны жариялады. Ресейлік арнайы қызмет мәліметі бойынша осыдан кейін бірден, 2020 жылдың тамызында "CentrSoobsh" сервисінен ресейлік абоненттерге жоғарыда аталған сыйақы туралы хабарлама келіп түскен. Ол хабарламаға сілтеме АҚШ Мемлекеттік департаментінің ресми парақшасын ашады.
Сонымен қатар 2022 жылдың 17 ақпанында Альбертоның телефон аппараттарынан дәл осы тізбек бойынша "Сіз хакерді тануыңыз мүмкін! Хакер туралы ақпарат үшін сыйақы алыңыз!" деген хабарлама ресейлік абоненттерге жолданған. Бұл хабарламадағы сілтеме де АҚШ Мемлекеттік департаменті бағдарламасының ресми парақшасын ашады.
Еске салсақ, колумбиялық азаматтың ұсталғаны туралы оның адвокаты сәуірде хабарлаған болатын. Тергеу Ресей Федерациясында тұруға ықтиярхаты бар сотталушыны 5 наурыздан 9 сәуірге дейін Мәскеудегі сауда орталықтарының бірінде телефондарды орналастырып, абоненттерге қашықтан жалған ақпаратты жаппай жолдаумен айналысқан деген қорытындыға келді. Ол ақпарат Ресей әскерилерінің Украинадағы әрекеттеріне қатысты болған.