АСТАНА, 6 желтоқсан – Sputnik. Ақтауда екі күнге жуық уақыт бойы "Lider.kz" волонтерлер қозғалысының еріктілері қаланың құқық қорғау органдарымен бірлесіп, 11 жасар баланы іздестіріп жатыр.
Нұрислам Мамбеков 4 желтоқсан күні сағат 16:35-те "Ақтау" сауда-ойын-сауық орталығынан белгісіз бағытта шығып кетіп, қайтып оралмаған, деп хабарлайды lada.kz.
Ерекшеліктері: орта денелі, бойы 150-155 сантиметр, шашы қара, көзі қоңыр, бетінде меңі бар.
Үстінде қою көк түсті күрте, көк қалпақ, бүйірінде ақ жолағы бар қара трико болған. Оның қолында киім салынған пакет және рюкзак болған.
Еріктілер із-түзсіз жоғалған бала туралы мәліметі бар барлық адамдардан +7(700)499-72-92, +7(700)729-20-12 немесе 102 телефондары арқылы хабарласуын сұрайды.