АСТАНА, 1 желтоқсан – Sputnik. Айдарбек Сапаров Солтүстік Қазақстан облысының әкімі болды.
"Айдарбек Сейпілұлы Сапаров Солтүстік Қазақстан облысының әкімі лауазымына тағайындалсын", - делінген жарлықта.
Ал СҚО-ны басқарған Құмар Ақсақалов қызметінен босатылды. Ол өңірді 2017 жылдың наурызынан бастап басқарды.
Сапаров туралы не білеміз
Айдарбек Сейпілұлы Сапаров 1966 жылы 12 маусымда Солтүстік Қазақстан облысында дүниеге келген.
Омбы ауылшаруашылығы институтын (1992), Манаш Қозыбаев атындағы Солтүстік Қазақстан мемлекеттік университетін (2006) зооинженер мамандығы, мемлекеттік басқару бакалавры бойынша тәмамдады.
Әртүрлі жылдары "Азық-түлік келісімшарт корпорациясы" АҚ Солтүстік Қазақстан облыстық филиалы директорының орынбасары, ауыл шаруашылығы министрлігінің СҚО басқармасының басшысы, СҚО облыстық аумақтық инспекциясының басшысы, СҚО Шал ақын ауданының әкімі, Мағжан Жұмабаев ауданының әкімі, СҚО әкімінің ауыл шаруашылығы жөніндегі орынбасары, СҚО әкімінің бірінші орынбасары қызметтерін атқарды.
2019 жылдан бүгінге дейін ауыл шаруашылығы министрінің бірінші орынбасары болды.