АЛМАТЫ, 29 қараша - Sputnik. "Алматы-2" темір жол вокзалынан өрт шықты, деп хабарлайды қалалық төтенше жағдайлар департаментінің баспасөз қызметі.
Оқиға күндізгі сағат 14:00 шамасында болды. Салдарынан вокзал ғимаратының 30 шаршы метр шатыры өртенген.
"Тілсіз жау 14-30-да оқшауланып, 14-50 сөндірілді. Өрттің шығу себебі анықталып жатыр. Зардап шеккендер жоқ", - делінген хабарламада.
Вокзал штаттық режимде жұмыс істейді, өртке байланысты пойыздар кестесінен кешіккен жоқ