Toyota LQ борттық көмекшісі бар футуристік көлік концепциясы. Автокөлік өздігінен қозғала алады, бірақ рөлде адамның болуын талап етеді. Электроникасы қалада және одан тыс жерлерде көлікті басқаруға, айналма жолдар мен жол қиылыстарынан еш қиындықсыз өтуге, сондай-ақ қозғалыс жағдайындағы кез келген өзгерістерге көз ілеспес жылдамдықпен әрекет етуге қабілетті. Автокөлік ауаға зиянды қалдықтар шығару деңгейі нөл аккумулятормен жабдықталған.
Hyundai N Vision 74 – Rolling Lab дайындаған жоғары өнімді сутегі отынымен жүретін алғашқы автомобиль. Автосалонда 62 кВт/сағ қуаты бар аккумулятор және 370 мильден астам қашықтыққа қосымша жүру мүмкіндігімен жабдықталған толық жұмыс істейтін прототипі таныстырылды.
2024 жылғы Subaru Impreza автомобилінің жаңа буыны AutoMobility LA көрмесінде таныстырылды. Атап өткендей, көліктің бұл нұсқасы тек хэтчбек нұсқада ғана қолжетімді болады. Өндірушінің айтуынша, жаңа үлгіде жүк орнына айтарлықтай үлкен кеңістік қарастырылған.
Вьетнамдық VinFast электромобиль стартапы бойынша бірнеше жаңа жол талғамайтын көлік таныстырды. Олардың қатарында Pininfarina және Torino Design құрастырған екі шағын кроссовер VF8 және VF9 бар. Бұл электромобильдердің ең жаңа үлгілерінің бірі. Сатылымның басталуы туралы жақында хабарланады.
2022 жылы Лос-Анджелес автосалонындағы Hyperion Hydrogen Electric XP1 гиперкарының жанындағы скафандр кигізілген манекен. Бұл сутегі қозғалтқышы бар бірегей спорткар. XP1-ді жобалаудан тәжірибелік қолданысқа енгізуге дейінгі әзірлеуге он жылға жуық уақыт жұмсаалды. Кузовта көбірек энергия өндіру үшін күн панельдері ретінде қызмет ететін белсенді аэродинамикалық элементтер бар.
Лос-Анджелестегі AutoMobility LA көрсмесінде 2024 жылғы Ford Mustang таныстырылды. Бұл жаңартылған шасси жабдығы, жаңа интерьер және екі жетілдірілген қуат агрегаты бар аты аңызға айналған спорттық автомобильдің үлгісі. Жақын арада ол басқа да мүмкіндіктермен толықтырылады. Жаңа пони-кар сатылымы шамамен 2023 жылдың ортасында басталуы керек.
2022 жылғы Лос-Анджелес автосалонындағы Porsche 718 Cayman Style Edition. Өндіруші атап өткендей, 718 үлгісі спорттық стильде өмір сүретіндерге арналған. Бұл танымал Porsche718 көлігінің спорттық рухын сақтайтын және заманауи техникамен ерекшеленетін орта қозғалтқышты спорттық автомобильдер.
Kia EV6 жол талғамайтын көлігі инновациялық электромобиль платформасында құрастырылған және жоғары жүріс пен өте жылдам қуаттауды қамтамасыз етеді. EV6 үлгісі үшін ұзақ жүрісті қамтамасыз ететін қозғалтқыштың әр түрлі нұсқалары қолжетімді және 800 вольтты кернеуде өте жылдам қуаттау аккумуляторды небәрі 18 минут ішінде 10-80%-ке қуаттауға мүмкіндік береді. Машинаның GT нұсқасында нөлден 100 км/сағ-қа дейін бар болғаны 3,5 секундта жылдамдықты үдетуге және 260 км/сағ жылдамдыққа дейін жетуге болады. Суретте: 2022 жылғы Лос-Анджелес автосалонында ер адам Kia EV6 көлігін симулятор арқылы жүргізіп жатыр.
Volkswagen ID Buzz автомобилі AutoMobility LA көрмесінде таныстырылды. ID.Buzz сыйымдылығы 77 кВт/сағ литий-ионды аккумулятормен жабдықталған. Ол 150 кВт артқы мотор қуатын және 415 километрге дейінгі қашықтықты қамтамасыз етеді. Volkswagen көлікті 5%-тен 80%-ке дейін қуаттауға шамамен 30 минут кетеді деп мәлімдеді.
Көрермендер Калифорния штатының Лос-Анджелес қаласында өткен 2022 AutoMobility LA автосалонында таныстырылған автомобильдерді тамашалап тұр.